Casino Chaw Tshua
La Vega thiab lake tahoe Tus xav pom los mus muaj caij
Tus xav laij los vim nyob deb Leej twg tsheb kuj tsis xav kam
Mus muaj tsam thiab nyob muaj caij Neeg tsis laij li hnub niam no
Muaj caij so thiab tau chaw txib Ntxawm muaj npib los cia nruab hnab
Muaj nyiaj laab los muab qhwv cia Raws kuv ntshia ntawm hmoob lub neej
Txheej dhau txheej tsis coj li no Txog tiam no raws li kuv saib
Laus ua laib mas nyuaj siab tshaj Txawm yog vaj los hais tsis tau
Yog hais ntau thaum twg ces foom Kom qhoj noom los txhob tau noj
Txawm me roj los txhob muaj siv Laus cem piv rau ub rau no
Tias tsis yog cov hluas li nyiaj Kom ntsiag txiaj tsis txhob hais hais
Vim huab tais yog tus xa tuaj Laus tsis muaj los nws tsis hnav
Mus caij npav lawm tseej tag hmo Muab hais txog lub neej niam no
Siab tu nrho tsis muaj qhov vam Ho piam xam los rau cov hluas
Nyob qhuav nquas tsis xav nrhiav num Tsuav tau tshum machime ob teg
Neej taug nyeeg nyob teb chaws no Welfare tso ces lawv txom nyem
Lawv raug cem tias neeg raws noj Lawv tus coj nyuaj siab tsis tas
Lawv tsis ras lub neej qub qab Ua raug mab muab caum nce zoov
Noj nplooj qoov coj los yug ncauj Lawv tsis nrauj lub siab twm xeeb
Thiab tsis txheeb lub neej pem suab Tsis tig muab txoj hau kev taug
Kom txhob raug luag xyav lub koob Yam tsob xyoob uas xeeb nram tiaj
Pes tsawg niaj kom ntsawv zuj zus Muaj ntau tus uas kuv tau hnov
Mas yog cov uas kheev twv txiaj Tau me nyiaj los tsis cia siv
Tsuav tau kiv machine ob ncig Nws siab nqig rov los qhuav nquas
Lawv tseem qhuas tias kuv ua tau 5 thiab 6 nyob rau hmo no
Nws hnab tso nyiaj lawm du dais Nws tseem hais ua muaj plhus ntxiag
Kev nyiaj txiag nej tsis khuv xim Tshuav tau dim mus casino
Lub meej mom los tsis xav tau Muaj ntau ntau uas kuv tau hnov
Mas pheej rov los nyiaj du dais Me nqi ntxhais los ntsaws nyav ncauj
Txawm me kauj los muab pauv tas Nyiaj qab nas los lawm du lug
Niam txiv tug los muab siv tag Kuv tsis dag mog peb tsoom hmoob
Vim muaj coob uas kuv tau hnov Mas yog cov uas muaj txij nkawm
Lub sij hawm thaum nyuam qhuav chiv Nws leej txiv txawm pib mus twv
Thiab los khwv mam rov mus dua Ua thiab ua nws leej poj niam
Txawm pib nyiam khiav caum leej txi Cia tub ki rau vaj rau tsev
Kav tsis ntev mog peb tsoom hmoob Txawm nplooj xyoob los yuav siv tag
Niam dej dag los ntshe yuav qhuav Txhob quav quav tsam nej kaub huam
Txhob ruam ruam thov nej to tsib Vas tib ib yog hnub lav nyiaj
Yog twv txiaj ib pliag ces tag Hais tsis dag mog peb tsoom hmoob
Tub ki coob cia muas los noj Yog ntsu roj ho muab muas hnav
Rov los kav ntawv nej yim neej Kom vam meej li luag lwm haiv
Es thaum ntawv nej thiaj li yuav muaj txoj hau kev nrog luag xaiv mog.