Hlub Ces ntxub
Ua nyob thoob rau lub teb chaws kom sawv daws tig rov los nco
Teb chaws no nws muaj ntau yam yog tsis xam nws kuj tsis muaj
Yog xam tuaj nws muaj li no txij li hmo yuav computer
Leej tub kawm txawm pib busy leej ntxhais chim tsis xav ua hmo
Vim hmo no kuv muaj homework niam kav chawj txiv kuj kav liam
Yog li diam ces cia nws ua nws txawm luag tsis pub nkawv paub
Yam puj daub dhia nkag qhov ntoo mus ntsiag moo tsis hnov suab sab
Ua tau qab hu tsis los noj niam tsis soj txiv kuj tsis nrhiav
Homework tiav nws mam los nraub niam tsis paub leej txiv tsis nco
Txij li hmo tau computer txoj kev kawm ntawm nkawv leej tub
Ua tas hnub los tsis paub tiav leej ntxhais piav los zoo ib yam
Nkawv txawm cam tias yog as kiv yuav tau siv lub sij hawm ntau
Thiaj ua tau li lub siab nyiam txiv kav liam tsis nrog saib xyuas
Nkawv tseem qhuas tias ntshe yog tiag tsis ntev kiag tom lub tsev kawm
Teem sij hawm kom nkawv mus ntsib niam tsis tib txiv kuj tsis cav
Nkawv txawm xav tias ntshe ntu no txhua txhua hmo wb leej tub tsim
Nws tij lim kawm tau ntawv zoo thiaj xa moo kom wb mus xyuas
Ntxhais mlos luas tsis hais ib lo ntshe zaum no wb yuav ntsib xau
Niam ntsiab khau txiv nthos loo key nkawv npaj txhij nrog siab puv npo
Zaum no lo kuv me koj niam tag wb tiam yuav tau tub tsim
Tag wb sim yuav tau ntxhais txawj txoj kev txhawj ntawm wb lub neej
Yuav vam meej li tus npau suav yam xub puav nyob saum hauv tsua
Neeg tsis tua ntshe yuav vam heev tsav tsheb ceev txog ntua tsev kawm
Nkawv thiaj tawm mus ntsib naiv khu nws txawm hu tias “Hi Mr. And Mrs.
Hmoob leej txiv thiaj teb hais tias “FINE” nai khu txais thiab caw nkawv zaum
Lub caij thaum nws zoo li no siab puv npo tsis qhia leej twg
Kev phooj ywg mam qhia tob qab hais tshab tshab nai khu txawm pib
Txawm los qhib nws npau folder los tshaj tawm rau niam thiab txiv
Prove tsis phiv leej tub kav xwm tau F-fwm nyob rau hauv chav
Leej ntxhais tsav nws tau D-dev nkawv los tsev lub siab khis ras
Tseeg tsis tag tsam nai khu dag txawm los ntag nkawv leej tub nas
Thiab los nyas nkawv leej ntxhais zoo tsis ntev loo nkawv thiaj li pom
Tub tsim nom tsis ua homework ntxhais kav chawj tsis los saib ntawv
Nkawv mam sawv tig rov pib hais tig tsis rais thiab qhuab tsis rov
Ces nkawv chim chim thiab cem hais tias tu me nyuam coj los nkim hmo.